Џеси Џеј (37) неодамна откри дека го доживеала најлошиот ден во својот живот откако се соочила со дијагнозата рак на дојка.
Сега, Џеси на својот инстаграм-профил објави неколку фотографии и видеа од болница. Таа сподели со своите следбеници како поминала операцијата и дека нејзиниот сопруг Чанан е голема поддршка.
„Оваа објава содржи некои од искрените подеми и падови од последните 48 часа. Секогаш ќе ги покажувам добрите и тешките делови од секое патување низ кое минувам. Благодарна сум на мојот лекар/хирург и на сите медицински сестри кои се грижеа за мене и на моето семејство и пријатели кои дојдоа да ме посетат. Сега сум дома, ќе се одморам и ќе ги чекам резултатите“, напишала таа покрај објавата.
View this post on Instagram
Да потсетиме, на 15 јуни за време на нејзиниот настап на фестивалот „Capital’s Summertime Ball“ во Вембли Арена, Џеси откри дека тоа ѝ е последниот настап пред да започне со борбата против ракот.
