Семејството Бекам втора година по ред е во посета на Хрватска.
Дејвид и Викторија се во брак 24 години и имаат четири деца – синовите Бруклин, Ромео и Круз и ќерката Харпер.
Познатиот пар е фотографиран на островот Лопуд, а ова е втора година по ред како престојуваат во областа Дубровник, пишува Јутарњи.хр.
View this post on Instagram
Престојуваат во луксузната вила наречена Лопуд 1483.
Станува збор за некогашен манастир Рождество на Богородица, кој бароницата Франческа фон Хабсбург го обновила и денес е една од врвни локации на Јадранот. Во рамките на комплексот има и Света градина, пишува хрватски Индекс.
Изнајмувањето на луксузниот комплекс за еден ден чини 10.000 евра за десет лица, а цената на едно ноќевање е околу 1.400 евра.
View this post on Instagram
Семејството Бекам крстареле низ Италија пред да пристигнат во Хрватска.
Легендарниот фудбалер е косопственик на американскиот Интер Мајами, а одлично се снајде, откако во МЛС го доведоа еден од најдобрите играчи на сите времиња, Лионел Меси.
Аргентинецот игра одлично во дресот на Интер и веќе има постигнато 10 гола на седум натпревари.
