Моделката и телевизиска водителка Данијела Димитровска уште еднаш покажа зошто важи за една од најубавите и најнегувани жени од домашната јавна сцена.
Покрај значајните професионални ангажмани и секогаш беспрекорните модни изданија, Данијела се труди да води здрав и избалансиран живот, што редовно го покажува на социјалните мрежи.
Овој пат, таа ги воодушеви своите следбеници со видео од нејзиниот утрински тренинг. Во спортска опрема и без шминка, Даниела блескаше со природен изглед, додека ги демонстрираше вежбите што ги практикува веќе во раните утрински часови.
Посебно внимание привлече и моментот кога нејзиниот вереник, Јеврем Косниќ, кој ѝ се придружи за време на вежбањето. Двајцата очигледно делат исти вредности кога станува збор за здравјето и фитнесот, а заедничкото вежбање изгледа како уште еден убав детаљ во нивната врска.
Нивната посветеност на здрави навики и меѓусебна поддршка се пример за тоа како може да изгледа современиот секојдневен живот со напорна работа и љубов.
