Српската музичка ѕвезда Светлана Цеца Ражнатовиќ заминала на Кипар каде има луксузна вила за да ги наполни батериите.
Таа на својот профил на Инстаграм се огласи од одморот и покажа како ужива во женското друштво на море. Друштво на Цеца на патувањето ѝ прави нејзината сестра Лидија Оцокољиќ, а на медитеранскиот остров се најдоа со кумите и пријателите на пејачката.
Инаку, познато е дека Ражнатовиќ од 2006 година има луксузна вила покрај море во Аја Напа, која се простира на 600 метри квадратни и е вистински рај на земјата.
Луксузната вила на Цеца има огромен двор како и базен, а нејзиното соседство е преполно со богати луѓе.
– Имам ирански, кипарски и руски соседи со кои имам одлични односи. Тоа се остварени луѓе на кои мојата слава во Србија не им значи ништо. Во Аја Напа летото е прекрасно и сакам да одам таму кога ќе залади во Србија. Мирот што го имам во втората куќа ми е драгоцен – изјави претходно Цеца.
– Сакав нешто егзотично, убаво и да бидам токму на брегот. Мојот пријател Фотос ми донесе фотографии од оваа моја вила и знаев дека тоа е тоа. Веднаш подигнав кредит. Да, куќата ја купив на кредит, кој нормално месечно го отплаќам – изјави Цеца во една прилика во „Амиџи шоу“.
