Ќерката на српската фолк пејачка Светлана Цеца Ражнатовиќ, Анастасија, сподели со своите следбеници досега невидени фотографии од бременоста и покажа како изгледала додека го чекала бебето, малиот Илијан.
На фотографиите во преден план е нејзиниот труднички стомак, додека друштво ѝ прави сопругот, фудбалерот Немања Гудељ, кој го гали нејзиниот стомак.
View this post on Instagram
Тука е и неговата сестра Вања Гудељ, кога двете биле на еден од натпреварите на Немања. А на една од фотографиите е и рачето на малиот Илијан.
Анастасија блескала во текот на бременоста, а емотивните глетки привлекле големо внимание кај нејзините обожаватели.
Со овие фотографии, таа евоцирала спомени од еден од најубавите периоди од својот живот, кога со нетрпение го чекала доаѓањето на својот наследник.
– Му благодарам на Исус – напишала Анастасија во описот на фотографиите.
Да потсетиме, Анастасија се породи на 15 јули и на свет донесе син на кого таа и Немња му го дадоа името Илијан.
Анастасија ја чуваше својата бременост во тајност девет месеци и не се огласуваше на социјалните мрежи.
