Иако одамна ставија крај на бракот и секој продолжи по својот пат, Гаги Ѓогани и Анабела уште еднаш покажаа дека семејството им е на прво место.
Летните денови ги искористија за заедничко дружење, а на едно место се собраа Гаги Ѓогани, Анабела, нејзиниот поранешен сопруг Андреј Атијас, како и нивните ќерки Луна, Нина и Бланкица.
На семејната средба присуствуваше и сопругот на Луна, Марко Миљковиќ, заедно со нивните ќерки. Насмеаните лица и опуштената атмосфера покажаа дека сите уживаат во заедничките моменти.
Фотографијата од дружењето ја објави Нина Ѓогани на социјалните мрежи, а покрај неа сподели и емотивна порака:
„Уживам во семејните денови. Обожавам кога сите ќе се собереме и ќе се дружиме. Животот е толку краток – создавајте спомени и кажувајте им на најблиските колку ги сакате“, напиша таа.
Објавата воодушеви многу следбеници, бидејќи ретко може да се видат сите членови на семејството заедно.
Иако Гаги и Анабела одамна се разведени, со години наназад покажуваат дека поради децата успеале да ги остават несогласувањата во минатото и да изградат коректен однос. Заедничките семејни собири, особено за важни прослави и моменти, станаа доказ дека меѓу нив денес владеат меѓусебна почит и семејна слога.
