Новак и Јелена Ѓоковиќ имаат две деца, синот Стефан и ќерката Тара, а нивните имиња имаат силна симболика.
Новак Ѓоковиќ и Јелена Ѓоковиќ се во брак од 2014 година. Тие направија свечена прослава на Свети Стефан, каде што гостите мораа да потпишат договор, а потоа добија две деца.
На синот и ќерката им дадоа имиња кои имаат силна симболика, а во една прилика тој откри како ги избрале имињата.
– Знам дека Стефан е меѓународно име, но има големо значење во нашата земја. Настанало уште во 12. век, го носеле првите кралеви. Јелена и јас ја сакаме симболиката, нашите корени ни се многу важни и сме поврзани со Србија, па иако Стефан е роден во Монако, тој е Србин – открил своевремено тенисерот за британските медиуми.
Ќерката Тара го добила името по прекрасната планина која се наоѓа во западна Србија.
– Колку убавина и богатство нуди нашата Србија. Тара е дива планина која ги крие своите тајни сè додека не стигнете до неа и не ѝ покажете големо восхитување. Нашата ќерка го доби името Тара делумно поради оваа дива природна убавина. Пешачевме, откривавме и се восхитувавме на знаменитостите. Тоа е дефинитивно едно од најубавите места што некогаш сме ги виделе и доживеале. Благодарни сме што поминавме квалитетно семејно време – напишал Новак во една прилика под семејната фотографија на Инстаграм.
Новак и Јелена Ѓоковиќ со нивниот син Стефан и ќерката Тара се на одмор на Миконос.
Двајцата се релаксираа на плажа, а со денови нивните фотографии кружеа во светските и домашните медиуми.
