Контроверзниот јутјубер Богдан Илиќ, попознат како Бака Прасе, не знае како да се ослободи од долгови. Имено, тој загубил огромна сума на пари на коцка, а рано утринава преку стори на социјалната мрежа Инстаграм повторно им се обрати на своите фанови за да им каже дека не знае што да прави.
-Изгубив многу пари и влегов во многу долгови, немам каде да заработам и не можам да се вратам додека не решам сѐ. Испаднав многу глупав, сѐ зафркнав… – накратко рекол јутјуберот, а после тоа не се огласил.
Како што дознава „Република.рс“, овој контроверзен јутјубер последен пат бил виден на суд, а фотографиите можете да ги погледнете тука. Богдан Илиќ ака Бака Прасе е чест „гостин“ на рочиштата, па бил забележан пред една од собите, каде имал судење.
Инаку, многумина забележаа дека во целата драма што се случува околу јутјуберот, на социјалните мрежи ја нема неговата девојка Ања Бла, која вообичаено е многу активна, но ништо не објавува со денови.
Во екот на скандалот околу наводните долгови на Богдан, Ања се огласи и откри дека минува низ тежок период, поради што решила да се повелече одредено време, но дека сега е подготвена да ги сподели деталите од својот живот со публиката повторно.
– Добив многу пораки бидејќи со денови сум толку неактивна, ми беше малку тешко, па се повлеков на неколку дена, но сега сум тука – напишала Ања заедно со видеото што ги сподели на нејзиниот официјален профил на Инстаграм.
