Баба која престојува во Ирска по бегството од војната во Украина, денеска е повторно обединета со својот сакан црн лабрадор (мешавина) со име Таша.
The heart wrenching moment 86 year old Violetta was reunited with her pet of 13 years, Tasha, after fleeing the war in Ukraine.
🎥 @debbiedeegan1 in Clare pic.twitter.com/3zWQDmnj3q
— Lovin (@Lovindotie) April 13, 2022
Виолета (86), родум од Одеса, се обидела со себе да го однесе и својот остарен (13-годишен) миленик кога побегнала од земјата.
Но, бабата и старото куче биле принудени да се разделат во Романија бидејќи старицата не можела физички да ја носи Таша понатаму.
Извесно локално семејство се согласило да се грижи за Таша, додека бабичката го продолжила своето бегство од војната и на крајот нашла засолниште во Ирска.
Хуманитарната работничка Деби Диган, која ѝ помогнала на Виолета со семејството да стигне во Ирска, направила план да ја спаси Таша кога видела колку е вознемирена Виолета што е одвоена од кучето.
„Таа не се справуваше добро без Таша. Контактиравме со семејството во Романија, а потоа организиравме компанија која ќе го пренесе лабрадорот преку осум граници“, рече таа.
И така започнала спасувачката мисија на Таша да стигне во Ирска.
„Тоа беше многу долго патување за неа – таа беше на пат две недели – но каков прекрасен среќен крај е да се види Таша повторно соединета со Виолета денес“, рече г-ѓа Диган.
