Донка Николова е вработена во фабрика за автомобили ДММ, а нејзиниот сопруг е пензиор, па така времето го пополнува посветувајќи се на семејниот убав двор кој се наоѓа во село Пепелиште, Неготино. И двајцата се инаку, големи љубители на цвеќето и на природата.
Пепелиште е вгнездено во лозарскиот регион Повардарие, покрај реката Вардар.
Дворот на семејството Николови располага со дури 2.500 метри квадратни од кои петстотини се под винова лоза.
– Имаме 90 дрва лешник, 70 дрва разновидни овошки, малини и две фолии со раноградинарски култури – ни објаснува Донка.
Од цвеќиња пак, најзастапени во дворот се трендафилите, во сите бои, како и петуниите.
– Дворот бара секојдневно одржување, но тоа е голема љубов на мојот сопруг – искрена е нашата соговорничка.
– Имаме и детско катче кое тој самиот го изработи за нашите внучиња – продолжува таа и советува „секој кој сака да има уреден двор мора да вложи многу труд, време, но најмногу голема љубов и внимание. Секое цвеќе е лесно за одржување кога се има желба и љубов“.
Инаку, Донка Николова е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија.
Фото- приватна архива
(Фото сторија) Во Асамати, во дворот на Зурие Ајрулај: „Занимавањето со цвеќиња е храна за душата“
