Патничкиот авион на Wizz Air прелетал само неколку метри над главите на туристите при слетувањето на островот Скијатос.
Драматичното видео од слетувањето беше споделено на Интернет, а на многумина снимката беше вознемирувачка. Авионската писта на островот, која е изградена на само неколку метри од морето, е туристичка атракција, па многу луѓе сакаат да снимат спектакуларни слетувања.
Но, дури и искусните набљудувачи изгледале шокирани кога авионот забрзано се упатил кон пистата и за влакно ја промашил оградата на аеродромот. Неколку луѓе се собрале на плажата и на патот што минува по должината на тесното парче помеѓу морето и воздушната патека. Меѓутоа, како што се приближувал Airbus A321neo, станувало сè појасно дека пилотот летал многу ниско. Затоа, некои набљудувачи почнале панично да бегаат пред авионот што се спуштал.
Една млада девојка паднала, додека друга останала без шеширот. Погледнете како изгледало драматичното слетување.
