Пејачката Драгана Мирковиќ наскоро ќе стане баба, а нејзината снаа и син живеат со неа во замок во Виена. Имено, синот на Мирковиќ неодамна се ожени со својата избраничка Мелани, која е бремена.
Двајцата наскоро ќе добијат ќерка, а пејачката откри дека нејзиниот син и снаа живеат со неа во замокот.
– Иако ризикувам да ме убијат моите деца затоа што ги споменувам, ќе кажам само дека Марко и Мелани се венчаа и дека сè направивме уште во јуни, во најстрога тајност. Пресреќна сум за сè и едвај чекам да имам внука, која ќе биде мојата најголема инспирација за сè што ме очекува во иднина – рече пејачката и додаде дека е горда на своите деца:
– Марко и Мануела се деца какви што би можеле да посакате! Горда сум што сум нивна мајка и ми е мило што тие сè уште живеат со мене. Ниту мојот син ниту мојата снаа не го напуштиле замокот. Уживаме заедно, а кога тие сакаат, секој има свој кат и целосна приватност и слобода.
10.000 евра за породување во приватна клиника
Патем, како што објавија домашните медиуми, подготовките за доаѓањето на наследничката веќе се во полн ек, а Мелани и Марко се одлучиле за луксузна приватна клиника во Виена.
Наводно, породувањето во оваа клиника чини близу 10.000 евра, но Марко и Мелани не штедат кога станува збор за удобноста и безбедноста на нивното бебе.
Покрај медицинската грижа достапна 24 часа на ден, бремената мајка ќе има можност да користи бројни дополнителни услуги – од фризерски услуги, маникир и педикир кои доаѓаат директно во болничката соба, до пристап до специјално дизајниран простор за медитација и релаксација.
