Андријана Враниќ, мајка на пејачката Данијела Враниќ, почина во Ваљево. Андријана починала на 14 јануари, објави српски „Информер“, во градот во кој е родена Данијела и каде живее последниве години.
Пејачката во оваа тажна прилика кратко се огласи за медиумите: „Почина во мир“.
Данијела Враниќ, за потсетување, извесно време мина во медиумска илегала и ретко зборуваше за својата приватност во тој период.
Секако, таа следеше сè што прават нејзините колеги, а еднаш сподели што мисли за естрадната сцена денес.
– Драго ми е што пејачките од оваа нова гарда храбро чекорат на српската естрада. Ги слушав нивните албуми, одлични се. Се враќа некоја добра музика која има емоции. Мислам дека публиката се презасити од некои работи што ги слушаме во последно време“, рекла таа своевремено.
Потоа ја издвоила Александра Пријовиќ и успехот што го постигна.
– Невозможно беше тоа да го прескокнам, бидејќи девојката направи одлична работа, има одлични песни и треба да продолжи така. Не сум била на концерти, затоа што се повлеков од јавноста и не сакав да се изложувам на медиумите, но ќе има можност“, рекла Данијела и признала дека би се согласила да ѝ биде гостинка на концерт.
Данијела Враниќ пред неколку години се повлече од медиумите, а како што неодамна изјави во една емисија на телевизија „Блиц“ ѝ требало одмор.
Животот на Даниела во текот на нејзината кариера беше многу интересен за јавноста, а во 2015 година пејачката беше во центарот на вниманието откако доживеа сообраќајна несреќа.
