„Поротата ми го врати животот“, ова се зборовите на Џони Деп кој го прекина молкот по изречената пресуда вчеравече, поротата одлучи во негова полза.
По цели шест недели долго судење, Џони Деп прозборе за прв пат за јавноста : „По шест години поротата ми го врати животот. И јас сум почестен“, беа неговите зборови.
Зборовите на актерот по шест години борба навистина носат ослободување. Тој објасни дека никогаш не се откажал без оглед на пречките на кои се сретнал на патот: „Мојата одлука да влезам во овој случај, знаејќи многу добро со колку високи правни пречки ќе треба да се соочам и знаејќи дека мојот живот неизбежно ќе стане шоу беше донесена само по долго размислување“.
„Пред шест години мојот живот се промени засекогаш, животот на моите деца, на најблиските луѓе и на сите оние луѓе кои долги години ме поддржуваа и веруваа во мене“ – објаснува Деп.
Потоа тој посочи на нападите добиени преку медиумите: „Имаше сериозни и криминални обвинувања против мене преку медиумите, кои ме изложија на бескраен напад на омраза, а немаше никаков доказ. Во меѓувреме, нападите патуваа низ светот за една наносекунда имајќи сеизмичко влијание врз мојот живот и кариера“.
Синоќа, пресудата од поротата и судијата беше донесена во 21 часот. Актерот не беше присутен во судницата бидејќи се уште е во Велика Британија, каде имаше концерт со Џеф Бек во Ројал Алберт Хол во Лондон, додека Херд беше во судницата и не покажа никаква реакција за време на читањето на пресудата.
