Џејмс Кан почина на 82 годишна возраст, беше прочуен американски телевизиски режисер и актер, најпознат по улогата на Сони Корлеоне во „Кум“ од 1972 година но и по маестралната улога во филмот „Песната на Брајан“.
Џејмс Едмунд Кан е роден на 26 март 1940 година во Бронкс, Њујорк, Соединетите Американски Држави. Син е на Софи Кан и Артур Кан, еврејски имигранти од Германија. Таткото на Кан бил трговец со месо и месар. Глумецот има тројца браќа. Пораснал во Санисајд, Квинс.
Кан студирал во Њујорк. Подоцна студирал економија на Државниот универзитет во Мичиген, па се откажал, потоа студирал театар на Универзитетот Хофстра, во Хемпстед, Њујорк, но не дипломирал. Меѓу соучениците на Каан во Хофстра биле и Френсис Форд Копола и Лаини Казан.
Додека сè уште студирал на Универзитетот Хофстра, станал страствен за глумата и бил уште тогаш омилен меѓу новинарите и студентите, а дипломирал на Театарската школа за маало Плејхаус во Њујорк, каде студирал пет години; еден од неговите професори бил Санфорд Мајснер.
„Само што се заљубив во глумата“, се сеќава тој подоцна. „Очигледно сите мои импровизации завршија со насилство“.
View this post on Instagram
Фудбалски ас
На факултет бил фудбалски ас, како уште еден друг американски Евреин – славниот Сидни Полак. Но, понекогаш овие американски момчиња, криеја чувствителна душа под кожата на „насилникот“. Така, „еврејскиот каубој“ Џејмс Кан (како што го нарекуваа, на училиште) се обидел да глуми, исто како Полак (кој е роден како актер пред да стане врвен режисер) и си го најде својот пат.
Четири пати разведен, а „гинел“ за семејството
Имал бурен љубовен живо, дури четири пати се женел. Се оженил со танчерката Ди Џеј Матис во 1961 година и во 1966 година се разведоа. Двајцата ја имаа ќерката Тара Каан, родена во 1964 година. Неговиот втор брак бил со Шила Мари Рајан (модел и актерка), поранешна девојка на Елвис Присли во 1976 година, но и со неа се развел веќе следната година (1977). Двајцата имаа син – Скот Кан, кој исто така е актер, роден во 1976 година.
Од септември 1990 година до март 1994 година тој бил во брак со Ингрид Хајек (готвачка на колачи). Двајцата имаа син, Александар Џејмс Кан, роден во 1991 година. На 7 октомври 1995 година, се венчал по третпат, овојпат со Линда Стоукс, и имаат две деца, Џејмс Артур Кан (роден 1995 година) и Џејкоб Николас Каан (роден 1998 година). И следувал уште еден развод – во 2009 година, наведувајќи ги непомирливите разлики.
Во познатото интервју за Esquire од 2007 година, изјавува: „Разликата помеѓу љубовта и сексот? Имам пет деца од четири различни сопруги, па не ме прашувајте“.
Во 1990-те години, и зад себе многубројни извонредни улоги, улогите на Кан се разредуваат и стануваат се помалку интересни. Со текот на годините, Кан се исчисти од сите тие ликови и се врати во центарот на вниманието, можеби како луксузен актерски: појавувањата во Догвил, од Ларс фон Трир, и во ТВ серијата Лас Вегас, во новиот милениум, секако се извонредни.
View this post on Instagram
Силна врска со синот кој го наследил
Кан уживаше долга кариера во актерската индустрија и слава која опфаќа повеќе од пет децении. Благодарение на приходите од неговата работа како актер и режисер, тој заработил огромно богатство. Се проценува дека Кан оставил зад себе нето вредност од приближно 20 милиони долари.
Џејмс имал пет возрасни деца, според Closer Weekly, но само Скот се искачил на статус на славна личност. Со оглед на тоа што се чини дека двајцата имаат многу заедничко, особено во цртите на лицето, но и во карактерот. Легендарниот актер имал силна врска со неговиот син Скот Кан, кој единствен од децата го наследил во глумата. Откако Скот и Кејси Биксби ја пречекаа својата ќерка во 2014 година, извор изјави за Us Weekly: „Џејмс е навистина близок со него и тој е многу возбуден“. Двајцата актери изгледаа слично, и иако Скот му се обраќал на татко му за совет, тој не секогаш го следел примерот.
Во интервјуто за The Fall во 2017 година, ѕвездата од „Ocean’s Thirteen“ откри дека неговиот татко не сакал тој да стане актер.
View this post on Instagram
„Знаеше дека ќе биде тешко да се работи оваа работа одново и одново, и креативно е тешко“ рече Скот и додаде: „Татко ми е веројатно еден од најинтересните луѓе што некогаш сум ги сретнал“.
Џејмс и Скот исто така работеа заедно. Во интервју за Лос Анџелес Тајмс во 2010 година, дуото татко и син зборуваше за соработката на драмата напишана од Скот и главната улога во „Mercy“ – со Џејмс како негов татко на екранот. На прашањето што научил за љубовта од својот татко, Скот одговорил дека Џејмс имал некои „неуспешни обиди за брак“, но никогаш не се обесхрабрил. Ѕвездата на „Hawaii Five-0“ рече: „Татко ми е добар пример за некој кој копа во животот и вели: „Да, ми го откорна срцето, но ќе се обидам повторно“, изјави Скот за медиумот и нагласи дека неговиот татко никогаш не ѝ дал приоритет на глумата бидејќи „неговото семејство било поважно“.
View this post on Instagram
Една од неговите познати реченици (кажана во едно интервју) ќе остане запаметена и како слика на неговиот возбудлив живот, постојано на тобоган, но сепак човек кој никогаш не зборуваше за својата слава – „нема ништо подосадно од актери кои зборуваат за себе“.
