Француската актерка Брижит Бардо била пренесена во болница со итна медицинска служба, откако поради жештината ѝ било тешко да дише. Ова го пренесува француското издание на Var-matin.
Brigitte Bardot, 88, suffered breathing difficulties today and had to be given oxygenhttps://t.co/q0TIv8ntAz
— LBC (@LBC) July 19, 2023
Сопругот на актерката Бернард Д’Ормал им изјави на новинарите дека утрото на 19 јули, 88-годишната Брижит Бардо почнала да има проблеми со дишењето. Тој истакна дека актерката неколку дена се жалела на своето здравје поради преголемата топлина.
„Беше околу 9 часот наутро кога на Брижит ѝ беше тешко да дише. Нејзиното дишење стана многу забрзано, но таа остана свесна. Како и сите луѓе на одредена возраст, таа повеќе не може да ја поднесе топлината. Ова се случува кога имате 88 години“, рече тој.
Според d’Ormal, тој повикал итна медицинска служба во нивниот дом во Сен Тропе, но брзата помош прво пристигнала на погрешна адреса. Лекарите потоа ѝ дале кислород на актерката и продолжиле да ја следат нејзината состојба откако итно ја хоспитализирале. Бернард Д’Ормал увери дека сега се е во ред со актерката, а таа веќе одмара без кислороден респиратор.
„Другите прегледи не открија други потешкотии: пулсот е добар, срцето исто така, притисокот е нормален, но сепак кревка е“, рече тој за француските медиуми.
French media: ‘Brigitte Bardot (88) admitted to hospital with breathing problems’https://t.co/Hb59mvWjtQ
— Jaun News English (@EnglishJaun) July 19, 2023
