Бред Пит ја обвини својата поранешна сопруга Анџелина Џоли дека тајно го продала својот дел од лозјата и замокот Миравал во Франција на руски олигарх, за да му наштети на поранешниот сопруг во битката за старателство над нивните деца.
Наводно, рускиот олигарх, според документите со кои ексклузивно располага британскиот Дејли Мејл, на овој начин сакал целосно да ја преземе контролата врз мултимилионскиот бизнис.
Анџелина Џоли ги продала своите акции на компанија во сопственост на Јури Шефлер. Тој е сопственик на групата SPI, меѓународен конзорциум кој продава алкохол во 160 земји, вклучувајќи ја и вотката Столичнаја, која е преименувана во Стол.
Иако Шефлер се обидел да се дистанцира од режимот на Путин, луѓето ширум светот решија да ја бојкотираат вотката Столичнаја, поради што и името беше сменето.
View this post on Instagram
„Џоли наводната продажба ја направила во тајност, свесно кршејќи ги сите договорни права на Пит. На овој начин Џоли се обидела да го искористи профитот и повратот на инвестицијата и преку наводната продажба се обидела да му наштети на Пит“, тврдат адвокатите на актерот и додаваат:
„Џоли знаеше дека Шефлер и неговите подружници би сакале да го контролираат бизнисот што Пит го изградил и да ја поткопаат неговата инвестиција во Миравал. И токму како што замислила Џоли, така Шефлер и направил. Откако ги купил нејзините акции, Шефлер почнал да ги дестабилизира операциите на Миравал, барајќи пристап до доверливите и сопственички информации на Миравал во корист на неговата конкурентска компанија.“
