Додека медиумите пренесуваат вести за потенцијалната свршувачка на Бред Пит и новите љубовни врски во семејството Џоли-Пит, далеку од рефлекторите се одвива драма во позадина, онаа помеѓу Бред и неговиот посвоен син Пакс.
И додека претходните кавги може да се припишат на бурниот развод или годините на растење, извори блиски до познатиот актер тврдат дека овој пат – дефинитивно е крај.
Односот на Бред Пит со своите постари деца станува сè потенок, во некои случаи и целосно непостоечки. Според пишувањето на „Дејли мејл“, Пит одлучил да го прекине секој контакт со 21-годишниот Пакс Џоли-Пит. Одлуката не е донесена ненадејно, туку е резултат на долгорочно заладување на односите, кое трае од разводот со Анџелина Џоли во 2016 година.
Пакс и неговиот брат Медокс, 23, во последните години беа целосно отсутни од јавните интеракции со актерот, додека нивните објави и постапки честопати јасно укажуваат на емоционална дистанца и гнев.
– Бред повеќе не е заинтересиран за тоа што прави Пакс или како се однесува. Тој верува дека неговите одлуки зборуваат само за него. За него, тој однос е завршена приказна – рекол изворот.
Пакс не е единствениот што се дистанцира, сличен образец следи и Шајло (18), која неодамна поднесе барање за отстранување на презимето Пит од нејзините лични документи. Нејзината постара сестра Захара (20), студентка на колеџот Спелман, со години го користи исклучиво презимето на својата мајка Анџелина Џоли. Дури и најмладата ќерка, Вивиен (16), ретко се поврзува со името на нејзиниот татко во јавноста.
Според достапните информации, Пит одржува контакт само со најмладите, Нокс и Вивиен, но дури и тие односи изгледаат резервирано.
