– Годината ја започнуваме гурмански, традиционално и што е најважно најадено. Вевчанскиот виткалник ја има таа чест да ја отвори годинешната вкусна приказна. Секое парче своја крцкава приказна – вели шеф Бранко Попоски познат под псевдонимот Готвиме со Бранко.
Па повелете рецепт, идеален за празничната трпеза.
Потребни состојки
450 гр. брашно
1/2 лажичка шеќер
1 лажичка сол
1/2 филџан маслиново масло
по потреба млака вода
Фил
500гр. свеж спанаќ
1 лажичка сол
Малку бибер
2 јајца
Малку маслиново масло
ПОДГОТОВКА
Земете длабок сад и од состојките за тесто замесете средно меко тесто.
Тестото поделете го на 5 топчиња, а потоа секое топче расукајте го во мала кора.
Премачкајте ги корите со масло и оставете ги да отстојат 15 минути.
На чаршав ставете една кора и развлечете ја со раце, попрскајте ја со масло целата кора и врз неа нанесете од филот со спанаќ.
Со помош на чаршавот или крпата свиткајте ја кората во вид на ролат, а потоа кружно свиткајте ја.
Повторете ја постапката со сите кори.
Попрскајте го виткалниот со масло и печете околу 20-25 мин. на температура од 220 степени со постепено намалување.
Послужете го со кисело млеко или јогурт.
