– Како што претходно кажавме и најавивме, утре и во четврток за Бадник времето ќе биде сончево со мала до умерена локална облачност. Ќе дува слаб до умерен ветер, и тоа во западните предели од југозападен, додека во останатите предели од југоисточен правец. Температурите ќе се искачуваат во интервалот од 10 до 16 степени -вели нашиот метео прогнозер Славчо Попоски.
Според Попоски, потоа од петок па натаму, односно за Божиќните презници времето ќе биде претежно облачно со повремени локални врнежи од дожд. На планините врнежите ќе бидат од снег а повремено снежната граница има услови да се спушта и до околу, па и под 1000 м.н.в. Температурите ќе бележат тенденција на пад и максималните дневни ќе се искачуваат во интервалот од 5 до 13 степени во најтоплите предели.
И во Скопскиот регион утре и во четврток времето ќе се задржи сончево со мала до умерена облачност. Ќе дува слаб до умерен ветер од југоисточен правец. Повеќе облачност ќе има од петок па натаму кога ќе има услови за повремен локален дожд. Температурите ќе се искачуваат во интервалот од 8 до 12 степени.
