Фронтменот на „Рибља чорба“, легендарниот рокер Бора Ѓорѓевиќ ја води битката со своето здравје и веќе неколку дена се наоѓа во Клиничко-болничкиот центар во Љубљана.
Менаџерот на Бора, Бане Обрадовиќ, изјави дека лекарите даваат сè од себе за да му биде подобро, а пејачот херојски се бори.
Како што сега се наведува, клиничкиот конзилиум во Клиничко-болничкиот центар во Љубљана секојдневно се состанува за да одлучува за понатамошните чекори што треба да се преземат за подобрување на здравствената состојба на Бора Ѓорѓевиќ.
Според последните информации, состојбата на фронтменот на групата „Рибља чорба“ сè уште е сериозна и тој е интубиран поради компликациите предизвикани од хронично опструктивната болест на белите дробови.
Со соодветни терапии, лекарите даваат сè од себе за да ја подобрат здравствената состојба на Бора, особено бубрезите и црниот дроб.
Инаку, за неговата здравствена состојба проговори и сестрата на неговата сопруга Дубравка.
– Немам ништо ново да ви кажам. Сè е точно како што пренесувате. Тој е интубиран… Дубравка секој ден оди да го види кога е времето за посета. Многу ѝ е тешко. Лекарите ја пуштаат да остане малку подолго кај него. Инаку, посетите на интензивната нега се само половина час за најблиските, но нејзе ѝ дозволуваат да остане повеќе часови покрај него. Може да се влезе само во придружба, никого не пуштаат туку така до него – рекла сестрата на Дубравка, па додала:
– Засега сè уште ништо не се знае, чекаме, се надеваме дека ќе му биде подобро, сите сме оптимисти… Тоа е таква болест, секое белодробно крило може да ја влоши оваа основна болест. Имаше силно воспаление на белите дробови во последно време, многу кашлаше – заврши сестратата на Дубравка, Даша.
