Денешниот ден во музичката историја ќе го паметиме по дебитантскиот албум на единствениот музичар кој подоцна ја добива Нобеловата награда за литература – легендарниот Боб Дилан, како и по основањето на светски познатата дискографска куќа „Warner bros“.
Во продолжение прочитајте и за сите други настани кои ја одбележаа историјата на музиката на 19 март:
1946 година – Родена Рут Поинтер, американска ар-ен-би пејачка, член на групата „The pointer sisters“.
1958 година – Основана е една од најголемите американски дискографски куќи – „Warner bros records“.
1962 година – Излезе дебитантскиот албум на тогаш 21-годишниот Боб Дилан. Албумот го носи само името „Bob Dylan“ и содржи 13 нумери, од кои повеќето се традиционални, а само две се негови авторски – „Talkin’ New York“ и „Song to Woody“.
1966 година – Родена Ања Рупер, словенска поп пејачка, авторка и новинарка, која на сцената се појавува во 1982 година како вокал во групата „Videosex“.
1971 година – Британскиот прогресивен фолк рок бенд „Jethro Tull“ го објавија својот 4. албум – „Aqualung“. Со ова издание следуваа два сингла, „Hymn 43“ и „Locomotive breath“, но насловната тема „Aqualung“, која ја напишаа лидерот на бендот, флејтистот и пејачот Јан Андерсон, како и неговата тогашна сопруга Џени Френкс, стана една од најпознатите песни на оваа група.
1976 година – Роден славниот хрватски поп пејач Петар Грашо.
1976 година – Почина Паул Кософ (25), англиски рок гитарист, член на групата „Free“.
1982 година – Почина Ренди Роудс, американски гитарист и коосновач на хеви метал групата „Quiet Riot“.
1990 година – Англискиот рок бенд „Depeche Mode“ го објави 7. албум под назив „Violator“, со успешните синглови како „Policy of the truth“ и „World in my eyes“.
2007 година – Почина Крешимир Блажевиќ (48), основач и лидер на рок групата „Аниматори“ од Загреб, позната по хитовите „Лето нам се вратило“, „Анџели нас зову да им скинемо крила“, „Остат чу млад“, „Мале цурице“, „Касно је за просинац“ и така натаму.
