Висок е само 165 сантиметри, но носи чевли со специјални влошки што го прават да достигне 170 см, се бори со своите 130 килограми, најголема желба му била да стане кошаркар, но откако станал маршал, на својот приватен остров ја примил НБА-ѕвездата Денис Родман, првиот Американец што го запознал лидерот на Северна Кореја.
Многу малку се знае за Ким Јонг Ун, претседател на Работничката партија на Кореја и врховен лидер на Северна Кореја. Тој е најмладиот од тројцата синови на поранешниот севернокорејски лидер Ким Јонг Ил и негов наследник. Кога неговиот татко починал, државната телевизија го прогласила Ким за „голем наследник“. Роден е на 8 јануари 1984 година, но некои извештаи наведуваат дека тој е роден две години порано. Се верува дека самиот си го променил датумот на раѓање за да се претстави пред својот народ како постар и поодговорен. До 2000 година студирал во Швајцарија под псевдонимот Пак Ун, иако пријателите од универзитетот сè уште го препознаваат и велат дека повеќе му се допаѓа спортот, особено кошарката, отколку политиката. Според „Вашингтон пост“, во младоста тој минувал часови затворен во својата соба цртајќи портрети на Мајкл Џордан. Но, кога сме кај кошарката, веднаш помислуваме на неговата висина. Врховниот лидер на Северна Кореја е висок само 165 сантиметри, но носи чевли со специјални влошки, кои го прават да биде висок 170 см. Имено, Ким Јонг Ун е многу чувствителен на својот изглед. Се смета дека му е непријатно што со години се бори со килограмите. Се верува дека во моментов тежи 122 килограми, а неговата тежина „оди“ и до 130 килограми.
Од 30 декември 2011 година, светот го откри Ким Јонг-ун. Како врховен лидер, се покажа како политичар оддалечен од културната политика на неговиот татко, силно антизападно насочен. Ја сака музиката, пуши цигари „Ив Сен Лоран“, вози луксузни лимузини и има повеќе официјални титули, меѓу кои: „маршал Ким Јонг Ун“; „главен лидер на Народна Република Кореја, лидер на партијата и народот“, „гениј меѓу другите“, „голем другар“. Како и неговиот татко, Ким обрнува внимание на култот на личноста, карактеристичен елемент на секој врховен водач. А тој култ го гради на раскош, достигнувајќи нето вредност од околу 5 милијарди долари, сума што и самиот тешко ја троши. Дури и со сегашниот начин на живот, потрошил „само“ 645 милиони долари, на авиони, хеликоптери, вили и други луксузи како лимузина „мерцедес“ од 2 милиона долари, луксузна јахта од 6 милиони долари, приватен остров „како Хаваи или Ибица“ – како што го опишува кошаркарот Денис Родман, првиот Американец што го запознал лидерот на Северна Кореја.
Кој би го наследил Ким?
Ким е оженет со Ри Сол-Ју, а нејзиниот точен датум на раѓање не е познат. Се верува дека е родена помеѓу 1985 и 1989 година во Северна Кореја. За неа не се знае речиси ништо, освен дека потекнува од угледно политичко семејство и дека се школувала на факултет. Се зборува дека Ким Јонг-ун ја забележал меѓу 90 мажоретки, во 2009 година станала негова сопруга, а првото дете го добиле во 2010 година. Иако официјално парот има само една ќерка, се шпекулира дека имаат вкупно три деца. Според некои извори, Ким Јонг-ун има и харем во кој доминираат 13-годишни девојчиња. Сите девојки морале да поминат тест за невиност пред да бидат донесени во харемот. Според некои доверливи податоци, потрошил околу 3 милиони долари на долна облека и костими за девојките од харемот само во 2016 година.
Но, што би се случило со Северна Кореја доколку нејзиниот лидер ненадејно умре? Точно е дека има ќерка, но таа е премлада за да ја преземе улогата на лидер на оваа земја, па затоа единствен кредибилен заменик на Ким би била неговата сестра Ким Ју-ае.
North Korean dictator Kim Jong Un oversaw and guided the countrys tactical nuclear operation unit training this past week claims the North Korean News Agency#dictator #Kim #Jong #Un #oversaw #operation #unit #training #week #News pic.twitter.com/9IkL9xLCjL
— Shahryar Sultan (@Shahryar_Sultan) October 10, 2022
Си „пушта“ проектили од страст и за забава
Се смета за еден од најмоќните луѓе во светот. Списанието „Форбс“ го прогласи за 36-та најмоќна личност во светот. Кога Доналд Трамп го нарече Ким „Човек-ракета“, алудирајќи на неговото тестирање и развој на нуклеарно оружје, на лидерот на Северна Кореја не му се допадна прекарот, па возврати со прекар за Трамп – „сенилен кретен“. Како врховен лидер, иако на „демократска народна република“, Ким Јонг-Ун мора да се придржува до политиката на својот татко и дедо, но тој уште од 2012 година започна многу амбициозна, но и контроверзна нуклеарна програма. Неколкупати Обединетите нации веќе ги осудија постапките на Ким, обвинувајќи го за постојано кршење на човековите права. На нив беа додадени и обвинувањата за користење многубројни нуклеарни и ракетни тестови како форма на „провокација“ против соседните држави, како што се главните „непријатели“ Јужна Кореја и Јапонија, како и САД.
Интересен податок е и дека предците на лидерот и самиот тој, во текот на своето владеење, имале влијание и на религијата во земјата. Во Северна Кореја доминираат шаманизмот, хондизмот, будизмот и христијанството. Иако Ким Јонг-ун ја гарантира слободата на религиозните верувања, вистината е дека во 1953 година повеќе од 200.000 христијани биле пријавени како исчезнати. Сепак, Северна Кореја е класифицирана како атеистичка држава.
