Фризерот Фади Фаваз (46) четири години беше во врска со славниот музичар Џорџ Мајкл, односно сѐ додека славниот пејач не почина на Божиќ, на 53-годишна возраст во 2016 година.
Сепак, иако поминаа неколку години, Фаваз дури сега собра храброст да ја признае шокантната вистина за тоа како се однесувал кога тој прв го пронашол мртвото тело на својот долгогодишен партнер. Тој признал дека, кога го здогледал телото на Мајкл, го фотографирал, пишува Сан.
Ова свое признание тој го снимил, а снимката ја објавил на својот фејсбук-профил, но само два часа по нејзиното објавување, таа била избришана.
– Го фотографирав мртов, веднаш откако го најдов модар и ладен. Луѓето сакаат да ме убијат поради таа слика – раскажал тој.
Инаку, Фавез беше изоставен од тестаментот на славниот музичар, а неговото богатство им беше поделено на членовите на потесното семејство.
