Актерот Бен Афлек (47) е во врска со Ана Селија де Армас Касо (31), кубанско-шпанската актерка.
Славниот актер блискоста со Ана за првпат ја покажа на снимањето на еротскиот трилер „Deep Water“, на 13 ноември 2019 година, во кој тие толкуваа улоги на маж и жена.
Меѓутоа, сега веќе не се потребни шпекулации за нивната врска, бидејќи парот е виден во родната Куба на Ана.
Парот е забележан на вечера во еден ресторан во Хавана, од каде се појави и нивна заедничка фотографија со шефот на кујната во локалот во кој уживаа.
Ben Affleck and Ana de Armas in Cuba with fans (5/March/2020) pic.twitter.com/yOXhYmBQYL
— best of ben affleck (@BstOfAffleck) March 6, 2020
По објавата, многу корисници на социјалните мрежи забележаа дека ова е „најубавата девојка која некогаш ја имал Бен Афлек“, со што и не се согласуваат во целост фановите на Џенифер Гарнер, неговата поранешна сопруга.
Ана е ѕвезда која допрва се пробива на филмското платно, а која, како што стојат работите, ќе ја толкува улогата на Мерлин Монро, во остварувањето кое е во план да се реализира.
Оваа убавица во 2006 година дебитираше на шпанското платно во филмот „Una rosa de Francia“, а во 2015 година го сними и првиот американски филм „Knock knock“, за потоа да следуваат улогите во „Hands of stone“ и „War dogs“.
Кубанската актерка толкуваше улоги и во „Blade runners 2049“, како и во филмот од 2019 година, „Knives out“.
