Ава Карабатиќ неодамна ја шокираше нацијата кога најави дека ќе се кандидира за парламентарните избори во Хрватска, а додека сите мислеа дека тоа е шега, таа рече дека е сериозна во врска со тоа. Старлетата сега ја претстави и програмата на нејзината кандидатура.
Старлетата и поранешна учесничка во реално шоу, ја претстави својата политичка програма со која се кандидираше за парламентарните избори, со слоганот „ФЕР ИГРА – Да се отрезниме!“.
-Поради мојата искреност победив во реалните шоуа и таму најмногу ги освоив симпатиите на луѓето. Во моите помлади денови ми подметнуваа разни небулозни изјави (дека ќе ја рушам црквата Св. Донат во Задар и ќе изградам постара итн.) со цел да ме дискредитираат како јавна личност, а никогаш немало аудио или видео докази за нив – започна Ава во нејзината програма, па ги наведе нејзините клучни ставки за растот и развојот на Хрватска.
– Хемиска кастрација на силувачи на малолетни деца и педофили
– Зголемување на платите и пензиите
– Борба против корупцијата
– 30 отсто намалување на платата за сите работодавачи
– Ставање на дневен ред на темите за легализација на проституцијата и марихуаната
– Поддршка на ветераните (не воените профитери) и промовирање на патриотизмот
– Дополнителни детални истраги за откривање на воените профитери
– Воведување на сексуално образование во училиштата
– Поддршка за здравствените работници
– Финансиска поддршка за студентите и младите кои животот го започнуваат во друг град, пренесува „24сата.хр“.
Инаку, реалити ѕвездата истакна дека претходната година ѝ била една од најтешките, а решила и да оди на болничка рехабилитација од алкохолизам.
