Откако се разведе од актерот Бред Пит, конечно слушнавме некои убави вести за приватниот живот на славната актерка.
После разводот од поранешниот партнер, медиумите многу шпекулираа за приватниот живот на Анџелина Џоли и ја поврзуваа со бројни мажи и жени, но таа не се огласувала по тие поводи, ниту пак е видена со некој во јавноста. Како што сега јавуваат американските медиуми, љубовниот аспект на нејзиниот приватен живот сега не е на прво место, туку актерката сака нешто сосем поинаку.
Актерката наводно планирала да „во еден момент со Бред да посвои најмалку уште едно дете, но тој изјавил дека 6 му се доста“.
„Тогаш мораше да се сложи. Но, сега може да прави што ќе посака“, истакнал извор близок на актерката од Globe.
Тој додал дека актерката планира да ги искористи своите контакти во Соединетите нации за да го избегне бирократскиот хаос, а оваа вест се појавила откако било објавено дека Анџелина сака нов правец во животот, бидејќи таа и Пит се разделија и Холивуд не ја привлекува како порано.
„Држави кои се на нејзиниот список се Кина, Сирија, Етиопија и други делови на Африка“, рекол изворот. „Всушност, планира да посети повеќе сиропиталишта низ светот се додека не го сретне златното дете од нејзините соништа“.
Покрај тоа, актерката се надева дека наскоро ќе се пресели во Европа, а неодамна во едно интервју се пожалила дека мора да живее таму каде што таткото на нејзините деца ќе избере да живее.
„Моето омилено место е она на кое се уште не сум била. Сакам да се пронајдам во нешто ново. Обожавам кога сум надвор од својот елемент. Сакам моите деца да израснат во свет каде што нема само да учат за него, туку да го проживеат и имаат пријатели ширум светот“, истакнала таа.
