Поротата во њујоршкиот округ Менхетен ја прогласи во вторникот американската компанија Trump Organization, во сопственост на поранешниот американски претседател Доналд Трамп, за виновна во случај на финансиска измама, пренесува Ројтерс.
Компанијата која управува со хотели, терени за голф и други недвижнини ширум светот се соочува со казна. Точниот износ ќе го одреди судијата на државата Њујорк.
Организацијата Трамп се изјасни дека не е виновна.
Претходно Трамп на социјалната мрежа Truth Social напиша дека „Министерството за правда на државата е корумпирано.
Трамп се сомнева дека на специјалниот советник Џек Смит ќе му биде дозволено да ги истражи немирите во Капитол на 6 јануари 2021 година. Бизнисменот е сигурен дека нападот е поради „коруптивните избори во 2020 година“.
Смит беше назначен на позицијата специјален советник во врска со две кривични истраги против Трамп на 18 ноември. Претходно работеше во Меѓународниот кривичен суд во Хаг, по што ја извршуваше функцијата обвинител во Специјалниот суд за Косово.
