Откако беше опериран поради проблем со срцето во 2017 година и две години подоцна кога доживеа големи кардиоваскуларни проблеми и мал мозочен удар, славниот француски глумец Ален Делон (86) останува надвор од медиумските очи. Собираше сила на клиниката во Швајцарија и во неговата вила во Души.
Неговото последно појавување во јавност беше на погребот на неговиот голем пријател Жан-Пол Белмондо, во црквата Сен Жермен минатиот септември. Трогнат од смртта на легендарниот француски актер, тој за време на чинот изјавил дека „не би било лошо да се собереме на едно место пак ние двајца“.
Сега, во интервју за телевизискиот канал RTL, неговиот син Ентони Делон го призна ветувањето што му го дал на својот татко: да го придружува во последните денови од животот. Истото што ѝ го ветил на мајка си, која починала пред само една година.
Во својата новообјавена автобиографија „Помеѓу кучето и волкот“, Ентони Делон пишува дека татко му одамна му рекол:
„Тони, ако некогаш ми се случи нешто и бидам во кома, доживотно врзан за кревет, сакам да ме исклучиш од струја. Сакам да ми ветиш “.
Ентони му ветил на татка си и објаснува дека „да се биде првороден син не е секогаш лесно, всушност, често поднесувам најмногу товар“.
View this post on Instagram
