Александра Пријовиќ одржа пет концерти во Осиек, па по тој повод реши да го посети своето училиште во Бели Манастир, каде што порасна. На пејачката ѝ приредија топло добредојде и беше пречекана со букет, а на ТикТок се појави фотографија на која позира со вработените во институцијата.
Инаку, Александра завршила во основното училиште „Др. Фрањо Туѓман“ во Бели Манастир, а во 2010 година учествувала на натпреварот по хрватски јазик. На веб-страницата на училиштето сѐ уште се наоѓаат резултатите од натпреварот на кој тогаш 14-годишната Пријовиќ освоила 50 поени.
Пријовиќ во основно училиште била одлична ученичка. Иако сега ја обожаваат, на Александра не ѝбило лесно за време на школувањето. Се откажала од средното образование, а во една прилика изјавила дека ја исмејувале на училиште за време на натпреварот на „Ѕвездите на Гранд“.
„Не ми беше лесно. Ова до сега никому не сум го кажала, но бев жртва на децата на училиште. Не ме тепаа, туку психички ме малтретираа. Ме понижуваа, ме нарекуваа сирота и ‘певаљка’. Ми зборуваа: Таа не е подобра од мајка ѝ ‘певаљката’. Ме исмејуваа кога можеа“, рече таа.
