Актерот Алек Болдвин (64), кој до неодамна ги полнеше весниците по трагедијата на снимањето на филмот „Rust“, одговори на прашањето што ги интересира неговите обожаватели. Имено, актерот и неговата сопруга неодамна добија две деца и покрај возраста на Болдвин.
– Луѓето ме прашуваат зошто толку деца. Затоа што родителството е врвно искуство и ние го обожаваме – изјави Алек Болдвин на социјалните мрежи во свое и во името на неговата сопруга Хиларија (38).
Сопружниците заедно ги имаат ќерките Кармен (8), Мариу Лусиу (1) и синовите Рафаел (6), Леонардо (5), Ромео (3) и Едуардо (1). Болдвин од првиот брак со Ким Бесинџер (68) ја има и ќерката Ајрланд Болдвин (26).
View this post on Instagram
Хиларија на својот инстаграм-профил објави дека во семејството доаѓа уште еден „Болдвинито“, како што ги нарече своите деца, и дека е многу благодарна за тоа.
– По многу подеми и падови во последните неколку години, имаме возбудливи вести и големо изненадување: доаѓа уште еден Болдвинито оваа есен. Бевме прилично сигурни дека нашето семејство е комплетно, но воодушевени сме од ова изненадување. Го споделувам со вас моментот кога им кажавме на децата – како што можете да видите, тие се многу возбудени! – напиша таа за веселото видео полно со деца.
Обожавателите и колегите му честитаа на парот што повторно ќе станат родители.
View this post on Instagram
