Славниот британски актер, музичар и продуцент Идрис Елба (47), објави дека е позитивен на коронавирусот – COVID19.
Актерот е во самоизолација и ги извести сите дека се чувствува добро, но и дека нема никакви симптоми на смртоносниот вирус од кој во Британија досега починаа 55 луѓе, наведува британскиот „The Sun“.
Поради оваа причина тој се обрати на друштвената мрежа Твитер, покрај снимка на која наведе дека ќе ги известува сите за понатамошниот развој на ситуацијата.
„Ова утро се тестирав и позитивен сум на COVID19. Добро се чувствувам и сега немам никакви симптоми, но сум во изолација откако дознав за можните последици од вирусот“, напиша актерот, а потоа упати и апел.
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing ???? No panic. pic.twitter.com/Lg7HVMZglZ
— Idris Elba (@idriselba) March 16, 2020
„Останете дома луѓе и бидете прагматични. Ќе ве известувам за тоа како се чувствувам. Без паника“, напиша актерот.
Потсетуваме дека со коранавирусот се заразени актерот Том Хенкс и неговата сопруга Рита Вилсон, Бонд девојката Олга Кириленко, Лејди Гага е во самоизолација, Хајди Клум и нејзиниот вереник чекаат резултати и исто така се во изолација, а актерот Идрис Елба се тестираше откако дозна дека сопругата на канадскиот премиер Џастин Трудо, со која имал контакт непосредно, е заразена со коронавирусот.
