– Според последните анализи и тоа со помош на најпрецизните метеоролошки модели во светот, во недела и во понеделник и тоа со влажниот и МНОГУ ПОСТУДЕН воздушен бран од север, снежна покривка ќе се формира на повисоките места и на планините (за над 15 цм нов снег).
Снежната граница како што најавивме и тоа особено во западните и во северните предели ќе се спушти и под 1000 м.н.в, со што врнежи од СНЕГ ќе има и во некои од населените места (градовите). Токму на овие места понекаде ќе се формира снежна покривка и до 10 см.
На следната метеоролошка карта можете да погледнете каде и колку снег се очекува за време на претстојниот влажен и СТУДЕН бран во нашата држава:
Температурите особено од недела ЗНАЧИТЕЛНО ќе опаднат и максималните дневни ќе се искачуваат во интервалот само од 1 до 9 степени. Наутро пак истите ќе се спуштаат во интервалот од -3 до 4 степени во најтоплите централни и југоисточни предели од државава.
Во Скопје снег се очекува само на околните планини и на местата со малку поголема надморска височина, што значи дека провејување на снег ќе има само во повисоките делови од котлината.
Заклучок на сето ова: ЗИМАТА ДОАЃА! – вели метеопрогнозерот Славчо Попоски.
