9 мај, годишнината од нацистичкиот пораз, нема да биде годишнина на победата на Путин. Исто така, на 9 мај се роди она што подоцна стана Европска унија.
Конечно, пристигна 9 мај, Денот на победата (во Втората светска војна) кој има толку голема симболична вредност за сите Руси: легитимирање на статусот на голема сила како што сакаше Сталин. И денес, но реално до пред неколку недели, Путин го најавуваше како ден кога ќе капитулираат и украинските „нацисти“. Но, сепак, војната не е завршена, а тоа не се случи така како што сакаше. Се разбира, за да го докаже успехот навреме за празникот Денот на победата вчера, руската армија работеше на целосно заземање на градот Мариупол, кој беше под немилосрдни напади од почетокот на војната. Челичарница, каде што околу 2.000 украински борци ги прават послдните обиди за спас на градот, е единствениот дел од градот што не е под руска контрола. Сите жени, деца и постари цивили кои беа засолнети во објектот Азовстал беа евакуирани во саботата.
Украинските војници кои сè уште се присутни одбија да го положат оружјето, сметајќи дека нема да имаат спас доколку бидат заробени живи. На он-лајн прес-конференција од фабриката за челик Азовстал во Мариупол, командантот на баталјонот Азов, Денис „Радис“ Прокопенко, увери дека „ќе се бориме до крај, наш приоритет е одбраната на Украина“. „Има многу ранети војници кои треба да се евакуираат“, додаде тој, истакнувајќи дека „бегството е кукавички“ (упатувањето е на командантот на украинскиот пара-војник кој се обиде да побегне од Мариупол во последните денови, но беше заробен од Русите) . „Имаме наредба да го браниме Мариупол и ќе го направиме тоа“, изјави заменик-командантот на баталјонот Азов, Свјатослав Калина Паламар. Тој, исто така, рече дека има „мноштво жртви“ во фабриката. Друг член на Азовскиот полк рече дека во фабриката имало „неколку стотици“ ранети војници, пренесува раињуз.
Ситуацијата би можела да се засили наскоро, дури и денеска. Не случајно јужната оперативна команда на украинската армија известува дека во Црното Море се стационирани 6 руски борбени бродови и 2 подморници вооружени со повеќе од 50 крстаречки ракети и во целосна борбена готовност.
Повеќе од 170 цивили се евакуирани од Мариупол, вклучително и околу 40 од фабриката за челик Азовстал. Тие пристигнаа во Запорожје, градот во југоисточна Украина кој стана прифатен центар за луѓето кои бегаат од областите окупирани од руските војници. Меѓу нив, деца и постари луѓе, еден од нив во инвалидска количка: патуваа со десетина автобуси „од пеколот на Мариупол“, изјави хуманитарниот координатор на ОН за Украина, Оснат Лубрани. Меѓу спасените и пристигнати во Запорожје има и една девојче, сама. Малото девојче очигледно било разделено од мајка си: градскиот совет на Мариупол го соопштил тоа вчеравечер. 4-годишната Алиса стана позната на 17 април, кога циркулираше видео со неа, во мрак, во некој подрум на зграда – додека прелистува книга, малото девојче вели дека сонува да го напушти бункерот и да се врати дома.
Лошо поминаа оние пак, кои се засолниле во училиштето Билохоривка. 60 луѓе загинаа во зградата бомбардирана во саботата од Русите во источна Украина: тоа го потврди и украинскиот претседател Володимир Зеленски. „Вчера, во селото Билохоривка, во областа Луганск, руска бомба уби 60 цивили“, рече Зеленски во видеоврска со лидерите на Г7. Украинските медиуми објавија дека 90 лица се засолниле во училиштето и дека околу 30 се спасени.
На 9 мај се одбележува и уште една годишнина, не помалку важна од поразот на нацистите. Со говорот што го одржа тогашниот министер за надворешни работи на Франција, Робер Шуман, на 9 мај 1950 година, за потребата од соработка меѓу самата Франција и неодамна поразената Германија, се роди сегашната Европска Унија. Островот на мирот и демократијата повеќе од седумдесет години, денес е повторно ставен на тест.
Зошто датумот 9 мај е толку важен за Русија; прогнози за говорот на Путин на Парадата на победата
