– Денес времето во Македонија ќе биде претежно сончево со слаб до умерен ветер од југоисточен правец. Температурите ќе се искачуваат во интервалот од 15 до 19 степени, вели нашиот метео прогнозер Славчо Попоски.
Во Скопје и околината времето ќе биде сончево со слаб ветер од југоисточен правец. Максималната температура ќе се искачи до околу 16 степени.
Според Попоски, до самиот крај на оваа недела времето ќе биде претежно сончево со ниски утрински температури, кој понекаде ќе се спуштат до -4 степени, со што локално и понатаму ќе има појава на мраз. Максималните температури пак, ќе се искачуваат во интервалот од 15 до 20 степени. Промена на времето и врнежи од дожд се очекуваат од почетокот на следната недела.
