– Како што најавивме, за време на овој викенд, како и на самиот почеток од следната недела ќе имаме променливо облачно и навообичаено топло време за овој период од годината. Ќе има и сончеви периоди, а ќе дува и слаб до умерен ветер од променлив правец. Постојат услови за сосема слаб и локален дожд, вели нашиот метео прогнозер Славчо Попоски и објаснува дека температурите ќе се искачуваат во интервалот од 18 до 25 степени.
Напоменува дека овие температури се повисоки од просечните дури за околу 10 степени!
– И во Скопскиот регион за време на овој викенд, како и на самиот почеток од следната недела времето ќе биде променливо облачно со сончеви периоди, а ќе биде и невообичаено топло. Ќе дува и слаб до умерен ветер од променлив правец, додека температурите ќе се искачуваат во интервалот помеѓу 20 и 21 степен, вели Попоски.
ПОПОСКИ НАПОМЕНУВА: Поради изразеното јужно воздушно струње, овој викенд, како и во почетокот од следната недела од Сахара кон нашата држава ќе се врши транспорт на прашина и песок, со што и атмосферата ќе биде заматена и со намалена видливост.
