– Како што најавивме, до петок времето во Македонија ќе биде сончево и релативно топло со мала до умерена локална облачност. Локално ќе има нешто повеќе облачност, а ќе дува и слаб до умерен ветер од јужен и од југозападен правец, најавува метео прогнозерот Славчо Попоски.
Температурите ќе се искачуваат во интервалот од 15 до 21 степен. Во скопскиот регион ќе се задржи сончево и релативно топло со мала до умерена локална облачност. Ќе дува слаб до умерен ветер од јужен и од југоисточен правец, додека температурите ќе се искачуваат во интервалот од 17 до 19 степени.
– Нова промена на времето, која ќе донесе локални врнежи од дожд, пад на температурите, умерен а на некои места и засилен ветер од северен правец, како и снег на повисоките планини ќе имаме за време на викендот, детална анализа околу ова следува во деновите коие се пред нас, а вие затоа искористете го убавото време за прошетка во природа, или за правење на зимница, советува Попоски.
