– Денес времето во Македонија ќе биде претежно облачно и СВЕЖО со повремени врнежи од дожд. Локално врнежите ќе бидат ПОИНТЕНЗИВНИ, а ќе има услови и за локална нестабилност проследена со пороен дожд и појава на грмежи, како и со засилување на ветерот. Температурите ќе се искачуваат во интервалот од 9 до 17 степени, вели метео прогнозерот Славчо Попоски.
И во Скопје и околината времето ќе биде претежно облачно со повремени врнежи од дожд. Ќе има и услови за локална нестабилност проследена со пороен дожд, грмежи и со засилување на ветерот. Температурата ќе се искачи до околу 16 степени.
Според Попоски краткотраен престанок на врнежите ќе имаме утре, особено попладне и во среда претпладне. Додека нови поинтензивни врнежи ќе има во среда доцна попладне и навечер, како и во четврток кога поради уште ПОГОЛЕМОТО заладување на планините ќе има врнежи од СНЕГ, кад ќе се формира и СНЕЖНА ПОКРИВКА.
Има услови снежната граница, особено во северните и во северозападните предели да се спушти дури и под 1000 м.н.в.
– Има услови на планинските места да се формира снежна покривка дури и над 30 сантиметри. Ќе дува и умерен ветер од северен и од северозападен правец, кој Долж Поврдарието повремено ќе биде и засилен на интензитет. Температурите ќе бидат значително потпросечни за овој дел од годината и од четврток ќе бидат уште пониски и иќе се искачуваат во интервалот само од 5 до 9 степени, додека наутро ќе се спуштаат во интервалот од 2 до 8 степени, најавува нашиот метео прогнозер.
