Од денес, еспресо.мк почнува соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на Инстаграм профилот (martinascookingg) .
Готви од мала, а со текот на годините и искуството научила дека најважна состојка во секое јадење е – љубовта.
Денес Мартина ни носи превкусен рецепт совршен за саботниов ден, една од нејзините најомилени гастро комбинации – пилешко во кари сос со мноогу брокула и печени компирчиња со зачини и презла. Сочно ручече готово за не повеќе од 30/40 минути.
Подготовка
Пилешкото исечете го на помали парчиња, зачинете го и пропржете го, па додадете малку водичка и оставете го да си покрчка.
Кога ќе биде готово тргнете го настрана во тавата.
Додадете парче путер и лажица брашно, кратко пропржете и постепено додавајте од млекото. Од зачини јас ставив кари, тако зачин, буковец, сол и црн бибер.
Оставете го сосот малку да згусне, намалете ја температурата на ринглата, додадете парчиња брокула и оставете го на оган уште 5/10 минути.
За тоа време направете ги и компирчињата. Исечете ги на парчиња, ставете 2-3 лажици масло, мноооогу зачини и презла. Јас ги печев во „air fryer“, но можете и во рерна на 200 С околу 20-на минути.
Послужете и уживајте во оваа перфекција од вкусови! , вели Мартина и додава дека брокулата перфектно се вклопува во оваа комбинација.
На здравје!
View this post on Instagram
