Линда Лусарди (61) се борела за живот, откако на крај било заклучено дека е позитивна на коронавирус, пренесуваат британските медиуми.
Линда и нејзиниот сопруг се заразиле од Ковид 19, а таа за порталот „Сан“, ги опиша симптомите кои ги чувствувала.
– Се започна со температура, а како што деновите минуваа, ситуацијата стануваше се полоша. Главата ме болеше толку многу што имав впечаток дека ме боли мозокот. Имав впечаток како слон да ми седи на глава – вели Линда и додава дека симптомите на болеста се зголемувале се повеќе како што деновите одминувале.
– Во агонијата од болки се обидував самата да си предизвикам повраќање со надеж дека ќе ми биде полесно. Лежев на креветот, кашлав и исфрлував секрет, кој имаше сина боја – се сеќава таа.
– Целото семејство беше во паника поради агонијата низ која минував – вели Линда, која за среќа, успеа да се излечи од Ковид 19.
Како што открива истражување во кое учествуваа 204 пациенти од Вухан, проблеми со варењето, како пролив, повраќање и губење на апетит, исто така можат да бидат симптоми за оваа болест.
The post Жена (61) опиша нетипични симптоми кои ѝ ги предизвикала инфекцијата од коронавирусот appeared first on Слободен печат.
