Во САД моментално, како што покажуваат официјалните податоци, со коронавирусот се заразени 163.429 лица, а бројот на починати надмина 3.000.
По бројот на инфицирани на прво мсто е државата Њујорк со повеќе од 66.000 заразени и 1.243 починати, каде денеска за рок од шест пеколни часа – на помалку од три минути умирал по еден човек.
Степенот на умирање е и причината што телата на починатите во становите останувале и 24 часа, пред надлежните да ги соберат, па затоа во Њујорк, епицентарот на пандемијата, биле испратени и 85 фрижидери за сместување на телата.
Медиумите пренесуваат дека во просек се потребни меѓу 12 и 14 часа надлежните да го соберат телото, кога некој ќе умре дома или во болница.
Без обзир на оваа тешка ситуација, и на тоа што вирусот се шири како пожар, во Њујорк гужвите не престануваат и социјалната дистанца постојано се крши. Функционерите во Њујорк очекуваат дека пикот на епидемијата ќе биде на 5 април, 35 дена откако го имаа првиот пациент.
The post Во Њујорк во последните шест часа на секои три минути има нова жртва од коронавирусот appeared first on Слободен печат.
