Дали знаете дека авторите на документарниот филм „Медена земја“ не возат џипови од ваши пари и дека се пример за тоа како се создава ремек-дело без државни пари, а со љубов и посветеност?, прашува универзитетската професорка Синоличка Трпова.
На статусот на социјалната мрежа на Фејбук поставува повеќе прашања во однос на успесите на „Медена земја“ и останатите филмови кои биле правени со државни пари во минатото.
-Прашање до сите оние кои имаат мислење за Ханиленд дека не е добар – дали имаат мислење за сите останати филмови правени години наназад за кои се трошени исклучиво државни пари (наши)/милиони, а излегле до Табановце? За милиони евра-државни пари со години(децении) трошени на самодекларирани филмаџии и монополи?, прашува Трпкова.
Вели дека тешко е да се прифати фактот дека авторите ги надминаа сите и оти се една од ретките светли точки во општественото загадување.
-Дали ќе земат Оскар или не, е сосем небитно… тие се светски жители, светот ги прегрна и прифати за свои. Сурфајте на нивниот бран, наместо да се шлапкате и давите во плиткото, вели Трпкова во статусот на Фејсбук.
The post Трпкова: Авторите на „Медена земја“ не возат џипови од државни пари, пример се како се прави ремек-дело со љубов и посветеност appeared first on Слободен печат.
