Една од поранешните вработени на Елен Деџенерис изнесе нови обвинувања против водителката, велејќи дека атмосферата кај Елен била неверојатно фрустрирачка. Како што изјави за американските медиуми, луѓето претежно останувале на своите работни места само неколку недели или месеци, а Деџенерис се однесувала недолично кон нив и ги малтретирала без вистинска причина.
Некогаш најдобрата водителка на светот, а сега најомразена, Елен Деџенерис последните неколку месеци е под огромен притисок поради обвинувањата дека со години ги малтретирала своите вработени.
Веста за мобингот во нејзиното ТВ студио се прошири низ целиот свет и стана голем проблем дури и за нејзината продукциска куќа „WarnerMedia“, која исто така започна официјална истрага против водителката.
Бидејќи целиот случај дополнително од ден на ден сè повеќе се разгорува, а јавноста добива сè повеќе детали за наводниот проблем, „Дејли меил“ во своите нови текстови носи сведоштва од поранешни вработени кои тврдат дека атмосферата кај Елен била како да се наоѓа во „работен логор“.
Еден од вработените раскажа како Елен ги казнувала за секоја ситница. На пример, таа би одземала од нивната плата доколку пената во кафето не била таква како што таа очекувала тоа утро. Таа наводно оставала и „стапици“ во нејзината канцеларија – кутија со кибрит под перницата, за да провери дали го исчистиле и тој дел од просторијата.
The post Нови детали од работниот логор на озлогласената Елен Деџенерис appeared first on Слободен печат.
Нови детали од работниот логор на озлогласената Елен Деџенерис was first posted on септември 15, 2020 at 10:30 pm.
