Во големите градови ширум Белорусија избија протести откако долгогодишниот претседател Александар Лукашенко освои шести последователен претседателски мандат.
Десетици демонстранти се повредени во судирите со полицијата, а едно лице го загуби животот, откако е удрено од полициско комбе, рече денеска претседателот на организацијата Пролет 96.
Околу 3.000 луѓе се уапсени во текот на протестите во неколку белоруски градови. Се протестираше во 33 градови, а станува збор за најкрвавите судири во историјата на земјата.
Некои следбеници на белоруската опозиционерка кандидатка Светлана Тихановскаја во понеделникот во раните утрински часови неофицијално прославиле победа на изборите.
Тихановскаја одби да го прифати поразот бидејќи државните медиуми наведоа дека се чини дека Лукашенко добил повеќе од три четвртини од гласовите при пребројувањето, а според независни анкети таа водела во резултатите.
Бидејќи во главниот град како и во другите градови избрија протести на кои имало неколку десетици илјади луѓе, Тихановскаја повика на мир и ги замоли безбедносните сили да се воздржат од насилство.
Групата за заштита на човековите права Амнести Интернешнал твитна утрово дека нивниот персонал сведочел како на насобраното мнозинство во Минск „се фрлени 6 шок-бомби и испукани се неколку куршуми“. Освен тоа „најмалку шест возила на итната помош возеле зад полициските линии додека завивале сирените“.
Државните медиуми подоцна известија дека ситуацијата е под контрола и дека во министерството за внатрешни работи се состанал кризниот штаб.
Државната изборна комисија во понеделникот објави дека според првичните резултати, Лукашенко освои 80,23 отсто од гласовите, а неговата противкандидатка 9,9 отсто од гласовите.
Претседателката на изборната комисија Лидија Ермошина објави дека останатите кандидати освои помалку од два отсо од гласовите, а одѕивот бил 84 отсто.
The post Хаос на улиците на Минск: Стотина повредени, над 3.000 уапсени и една жртва (ФОТО+ВИДЕО) appeared first on Слободен печат.
Хаос на улиците на Минск: Стотина повредени, над 3.000 уапсени и една жртва (ФОТО+ВИДЕО) was first posted on август 10, 2020 at 7:35 pm.
