Повеќе од четириесет години Здравко Чолиќ важи за најголемиот заводник во поранешна Југославија.
Популарниот Чола веќе 17 години е во среќен брак со Александра Чолиќ, а неговата сопруга ретко се појавува во јавност и не дава изјави за медиумите.
Љубовниот живот на најголемиот заводник на Балканот пред бракот со Александра бил доста бурен.
Чола на медиумите им откри некои детали од минатото, но ретко зборуваше за својата прва љубов, актерката Јасна Орнели Бери. Но Јасна проговоре за нивната врска и рече дека многу млади се заљубиле во Сараево.
– Секогаш ќе има дел од моето срце резервирано за него – изјави Јасна во една емисија.
Јасна била една од најубавите сараевски девојки во времето кога се забавувала со Чола, денес таа е успешна актерка.
– Првпат по војната се сретнавме во Белград, тоа беше многу трогателна средба која никогаш нема да ја заборавам. Тој е фасцинантна личност и успешно ја одржува својата харизма и денес. Но пред се, тој е добар човек. Чола ми ја посвети песната „Ноч ми те дугује“ – која самиот ја напиша, изјави Јасна.
– Не можам да кажам дека се забавувавме или излегувавме. Тоа е посебен однос кој продолжува и денес. Тоа е и понатаму љубов која не можеш да ја помилуваш или да ја држиш за рака. Здравко секогаш ќе биде сечиј и ничиј – вели неговата поранешна љубов која се уште има силни чувства кон популарниот пејач, пренесува Индекс.
