Војводите од Сасекс одеднаш се појавија обединети по гласините за проблеми во нивниот брак.
Принцот Хари и Меган Маркл вчера покажаа дека се уште се цврсто заедно појавувајќи се во видео за подигање на свеста кај младите за безбедност на интернет. Војводата и војвотката од Сасекс ги изненадија американските приматели на првите грантови од Младинската фондација за одговорна технологија со телефонски повици за да им честитаат за грантот, пишува Дејли Мејл.
Видео го означува првото појавување на Хари и Меган заедно по речиси три месеци, поточно по доделувањето на наградите Women of Vision во Њујорк на 16 мај.
38-годишниот Хари ги спомна и неговите деца Арчи (4) и Лилибет (2), велејќи: „Ви благодарам за сè што правите. Нашите деца се особено многу благодарни“.
Меган (41) потоа низ смеа додаде: „Сè уште не знаат, но ќе дознаат!“
Видеото беше објавено од RTYPF, а не од парот, но на снимката има дел како разговараат во нивната вила од 12 милиони фунти во Монтесито, Калифорнија.
Фондацијата Арчевел на двојката е една од основачите на Фондацијата за млади која има за цел да им помогне на оние кои работат во „одговорната технологија“.
