Пред 10 години едвај врзувала крај со крај, а денес е милионерка – без динар заштеда и ничија поддршка, вели оваа самохрана мајка на три деца.
Рејчел Педерсен е Американка која привлече големо внимание со својата приказна. Како што вели таа, пред 10 години била самохрана мајка на три деца која била на социјална помош. Таа денес без ничија помош, без диплома и без заштеда е успешен претприемачка и сопственичка на две компании кои заработуваат милионски суми, а на Тик Ток ги советува другите како успешно да пливаат во претприемачките води.
View this post on Instagram
Нејзините компании, како што вели, се занимаваат со социјалните мрежи и и носат повеќемилионски приходи. Кога ги основала, Рејчел тврди дека немала ниту диплома, ниту квалификации, ниту заштеда. Сепак, таа решила да се обиде.
– Мојот прв чекор беше да станам менаџер на социјалните мрежи. Без претходно знаење ја прифатив работата и само првата година заработив 119 илјади долари! Наскоро почнав да заработувам околу 90.000 долари месечно, а денес месечно заработувам двојно повеќе – вели таа.
Таа вели дека своето знаење го стекнала на Јутјуб.
– Нема потреба да трошите пари на скапи курсеви. На Јутјуб знаењето се нуди бесплатно. Таму научив се што знам – објаснува Рејчел.
View this post on Instagram
– Ако велите дека немате време, се лажете себеси. Едноставно, наместо времето што го користите за гледање серии или играње игри, седнете и учете на Јутјуб. Ќе ви се исплати, ќе видите – тврди таа, додавајќи дека треба веднаш да почнете, наместо да чекате да го продлабочите вашето знаење.
– Сè што ќе научите применете веднаш. Не чекајте да станете експерт. Секој ден ќе научите нешто ново, а ако чекате, само си го губите времето. Можете да започнете со едноставни задачи, како што се уредување видеа, водење мала страница на социјалните мрежи или со транскрипција. Попатно ќе научите – заклучува Рајчел.
View this post on Instagram
