Изабел Томас, сопруга на холивудскиот продуцент Бредли Томас, извршила самоубиство, потврди Канцеларијата за медицински преглед во Лос Анџелес.
Таа имаше само 39 години, а во понеделникот на 29 јануари скокна од хотелот „Анџелено“.
Градските власти како причина за смртта го наведоа самоубиството или повеќекратните трауматски повреди предизвикани од скокот.
Полицијата во Лос Анџелес изјави за Дејли Меил дека одговорила на повикот за мртва жена пронајдена во хотелски базен.
Отпрвин, сведоците рекоа дека таа скокнала од покривот на хотелот, но ТМЗ пишува дека инспекторите утврдиле дека Изабел скокнала од тераса на еден од повисоките катови. Медиумите јавуваат дека не е пронајдено проштално писмо, но полицијата не ја потврди оваа информација.
Бредли Томас, кој е еден од продуцентите на Killers of the Flower Moon, кој неодамна доби 10 номинации за Оскар, е во брак со Изабел од 2018 година, а парот има две мали деца.
Долги години Бредли е продуцент на голем број познати филмски наслови како Dumb and Dumber, There’s Something About Mary, All the Money in the World, Triangle of Sadness и други.
#BREAKING: Killers of the Flower Moon producer #BradleyThomas’ wife, Isabelle, devastatingly died by suicide at age 39. Click the link below for details. (📸: MEGA) https://t.co/Ct9l6aKT2C pic.twitter.com/87S7LCwwAR
— OK! Magazine USA (@OKMagazine) February 1, 2024
