Викторија Бекам објави нови фотографии од роденденската забава која ја приреди во приватниот клуб Освалд во Лондон. Прво го прослави својот 50-ти роденден со семејството, а сега ги покани и ѕвездите: на настанот се појавија нејзината долгогодишна пријателка Ева Лонгорија, водечките пејачи на Spice Girls, Том Круз и други.
Присутни беа и членовите на семејството на Викторија – сопругот Дејвид Бекам и нивните деца: Бруклин, Круз, Ромео и Харпер. На забавата не била сопругата на Бруклин, Никола Пелц, но на социјалните мрежи ѝ честитала на својата свекрва.
Самата Викторија дојде на забавата со патерици, неодамна ја скрши ногата, но тоа не ја спречи да го избере својот вообичаен совршен стилски изглед.
Викторија го прослави својот роденден со семејството на Азурниот брег во Франција – во градот Сен Пол дел Венс, каде одлетаа со приватен авион и останаа таму само еден ден. Таму заедно со нејзиниот сопруг и со децата го посетија еден од најпознатите локални ресторани, Ла Коломбе д Ор.
Претходно, нејзиниот сопруг Дејвид Бекам објави видео со фотографии и видеа од неговата домашна архива, вклучително и снимки кои досега никој не ги видел и се пошегува дека нејзиното главно достигнување е што станала сопруга на капитенот на Англија.
