Пејачката Аделина Тахири деновиве ужива во заслужен одмор во Египет, каде престојува во луксузен ресорт во Хургада.
По период исполнет со семејни прослави и убави моменти со најблиските, таа реши да одвои време за релаксација покрај морето. Во изминатите недели имаше повеќе причини за славење – го одбележа својот 35. роденден, а семејството го прослави и седмиот роденден на нејзиниот син Јон.
На фотографиите што ги сподели на социјалните мрежи, Аделина позира во едноставно монохроматско бикини, при што во преден план доаѓа нејзината одлична физичка форма и извајаните стомачни мускули.
Со впечатлив шешир и во опкружување на палми, базени и песочни плажи, пејачката испрати вистинска летна атмосфера од египетското крајбрежје.
Инаку, Аделина е мајка на седумгодишниот Јон, а речиси девет години е во брак со адвокатот Серјожа Марков. Таа често споделува моменти од семејниот живот, но и од своите патувања, кои се нејзина голема страст.
